ANJANGSANA DESA WISATA CANDHIREJA BOROBUDHUR MAGELANG

              Senajan  ing  Buku  Pandhuan  Wisata  Kabupaten  Magelang  durung  kaemot  , naging  potensi  wisata  ing  desa  Candhireja  ,Barobudhur  Magelang , Jawa  tengah  iki  tetep  ora  nguciwani  . Jalaran  desa  sing  dumunung  ing  pinggire  kali  Progo   iki  nyimpen  sakehe  potensi   wisata  sing  pantes  “dipromosikan “. Tumrape  pilihan  papan  wisata  ing  desa  Candhireja  bisa  milih  wisata  desa   utawa  kebun  , wisata  air , lan  wisata  pegunungan .                                                                                             

               Babagan  wisata  desa  utawa  wisata  kebun  , wisatawan  nganakake  jelajah  desa  kanthi  anjangsana  saka  dhusun  menyang  dusun  liyane  .Ing  dhusun  Kedhungamba  para  wisatawan  (mirunggan   wisatawan  manca  ) bisa  nginep  ing  omahe  pendhudhuk ingga  mangerteni   panguripane  warga   saben  dinane  , luwih-luwih  , Ing  babagan  tetanen  lan  gotong  royong. Tumrap  wisatawan  manca  utawa  wisatawan  sing  asale  saka  metropolitan  wisata  mengkene  iki  mesthi  narik  kawigaten  , jalaran  mujudake  pengalaman  anyar  lan  sesawangan  beda  di  tandhing saben  dinane.                

                                                                                                                                                                                                                        

             Wisata  desa  uga  kanthi  mitontoni  sentra-sentra  indhustri  kecil  utawa  indhustri  rumah  tangga  kaya  papan  panggawene  gula  jawa  ing  dhusun  Kerekan  .Ing  pedhukuhan  sing  dumunung  ing  sikile  Pegunungan  Menoreh   iki   sebagian  gedhe  masarakate  nduweni  pangupa  jiwa   gawe  gula  jawa  .Wisatawan  bisa  mitontoni  carane  nderes  utawa  njipuk  legen  (nyedhap  nira ) sing  ditindakake  esuk  lan  uga  sore . Uga  bisa  nonton  carane  gawe  gula  jawa  ing  omahe  pendhudhuk .Saka  mitontoni  panggawene  gula  jawa  , wisatawan  bisa  nontoni    panggawene  jamu    tradhisional  utawa  jamu  gendhong  ing  dhusun  pucunan.  Jamu-jamu  tradhisional  sing  digawe  ing  dhusun  iki  bahan-bahane  dijupuk  saka  kebon .Lire  bahan  jamu   dijupuk  saka   kasil  kebun  ing  desa  iku  lan  sakiwa  tengene  .Akeh  empon-empon  kaya  puyang  , temu  , gegodhongan  , sing  dikasilake  pendhudhuk   ing  kono.  Kanthi  mengkono  bahan  jamu   wus  sumadya  ing  alam  lingkungan .                                    

                   Indhustri  rumah  tangga  liyane  yaiku  slondhok  ,lanthing, karah  ,londho-londho , criping , emping  tela, sing  digawe  ing  pedhusunan  Sangen , Cikal  lan  patikan  . Indhustri  sing  bahan  bakune  tela  mesthi  wae  cocok  tumrap  para  perajin  ing  pedhusunan  iiki, jalaran  desa  Candireja  sing  100 persen  kebon , talun , tegalan , lan  ora  tinemu  sawah,sasat  lemahe  ditanduri  tela  utawa  pohong . Tela  mujudake  kasil  pokok   masarakat  desa  Candhireja .               

Wisata  desa  uga  bisa  buktekake  anane  kesenian  tradhisional  sing  isih  urip  lan  diuri-uri  dening  pendhudhuk  desa. Ing  desa  sing  jembare  366,25 halan  dienggoni  4383 jiwa  (2014  akhir) iki  isih  ngrembaka  seni  pedhalangan  , kethoprak  , gatholoco  , jathilan , maca  patan , rodat, slawatan, sing  kerep  pentas  kalane  ana  wong  duwe  gawe mantu- supitan  . Saben  tahun  ing  sasi  Sapar  , pemerintah  desa  bebaregan  karo  warga  nindakake  upacara  tradhisional  Saparan bebarengan  karo  perti  desa .Biasane  ing  upacara-upacara  iki  kabeh  kesenian  sing  ana  ing  Candireja  kabeh  nganakake  pentas.

Babagan  nguri-uri  upacara  tradhisional  rapet  uga  gegayutane  karo  isih  kenthele  “mitologi” pendhudhuk  marang  papan  peninggalan  kang  di  “keramatake” . Ing  dhusun  Kaliduren  papan  kang  disengker  lan  dikeramatake  yaiku  Tuk  Asin  dumunung  ing  pinggire  Kali  Sileng  . “Djaka  Lodang”  sing  dipandhu  dening  A. Budianto   mbuktekake  lamun  tuk  (sumber) sing  mancur  saka  karang  padas  mau  rasane  asin.  Miturut  Budianta  , pendhudhuk  memundhi    papan  iki  merga  nate  dadi  papan  pengombene  jaran  kagungane  Pangeran  Diponegara    nalika  nindakake  perang  geriliya  .Ing  papan  iku  uga  Gubernur  DIY  Sri  Sultan  Hamengkubuwana  X  tedhak  mriksani  sumber  Tuk  Asin .                      

Papan  liya  kang  dikeramatake  yaiku  makam  Gunung  Mijil  ing  dhusun  Palihan . Ing  makam  sing  dumunung  ing  tengah  tegalan  lan  dibangun  kanthi  becik  mung  tinemu  kijing  siji  .Miturut  mitiologi  masarakat  sakiwa  tengene  , papan  iki mujudake  makam  Pangeran  Mijil  sing  biyen  melu  perang  geriliya  Pangeran  Diponegara  .kanggo  ziarah  ing  makam  Mijil  cukup  gampang  , jalaran  mung  dumunung  sapinggire  dalan  candhirejo  - Borobudhor .                                                                                               

                   Wisata  sing  ora  kalah  narik  kawigaten  ing  Candireja  yaiku  “Wisata  Kali  lan  Gunung  “ ing  perenge  Pegunungan  Menoreh  . Papan  utawa  obyek  wisatane  ana  loro  yaiku  Watu  Kendhil  lan  Gondopura   Wangi .Obyek  Wisata  watu  Kendhil   arupa  watu  gedhe  ngemperi  kedhil  sing  dumunung  ing  pucuk  gumuk  lan  pipi  jurang  sing  atusan  meter  jerone. Saka  papan  wisata  watu  Kendhil  bisa  ndeleng  panorama  (sesawangan)  endah  menyang  iring  lor  klebu  Candhi  Borobudhur  lan  kutha  Magelang  . Ing  papan  iku  tinemu  uga  wewangunan  “Watu  Dahnandhang  , watu  kukusan  , lan  uga  warung  Gunung “ sing  papane  cecaketan  karo  watu  Kendhil  . Dene  gandapura  Wangi  sing   wujud   gapura  watu  papane  wewatesan  antarane  Desa  Candhirejakaro   desa  Sambeng . Saka  gandopura  Wangi  iki  wisatawan  bisaa  deleng  , sesawangan   endah  menyang  laladan  magelang .   

               Potensi   wisata  liya  sing  diduweni  Candhireja  lan  sumedya  bakal  didadekake    papan  wisata  “andalan “ (sing  bisa  diendelake ) yaiku  “wisata  watutambak “’ , arum  jeram, nylantrang  lan  padhepokaan  Ladon  “, sing  kabeh  mau  dipunjerake  ing  Kali  Progo  . Kanthi  mengkono  potensi  alam  kang  awujud  “air’  sing  sumbere  ing  Kali  Progo   uga  diangkah  kuwawa  melu  ngangkat  wisata  desa  Candireja.                                                                                                                                                                                        

               Miturut  Kepala  Desa  Candireja  Bapak  SinggihMulyanto  SE. sing  ditemoni  Djaka  Lodang  ing  kantore   dina  Rebo 17  juni 2015, sesanti  “Candireja  Bersatu   yaiku  bersih  ,Sehat, Aman , tertib  lan  Usaha  kudu  bisa  klakon  . Sesanti  iki  miturut  carik  desa  , sejalan  karo  arah  desa  binaan  lan  desa  wisata  sing  dikepyakake    tahun  2001  kepungkur  . jalaran  krana  grengsenge  karep  kanggo  mujudake  Candireja  Bersatu   ateges  uga  kabeh  warga  desa  saka  Kades  para  pamong  lan  rakyat  kuwawa  mujudake  visi  desa  sing  kacakup  ing  Caturdaya  , yaiku  daya  tumbuh  , daya  tarik , daya  tahan  lan  daya  manfaat .         

          

oleh : SANIJO  RAF.